Fréttatilkynning.........

Ég einfaldlega verð að koma með eina stutta...

Eins og allir vita heima á Íslandi þá er heimsmeistaramótið í Krikket í gangi,  eða kannski ekki. Allavega þá er mótið í fullum gangi og Sri Lanka er að gera góða hluti og já ég er kominn inn í Krikket reglur, ég bjóst aldrei við að ég myndi horfa á Krikket og hvað þá að vera spenntur yfir því, en svo var tekið matarhlé og ég var ekki spenntur lengur   algjör snilld.

Sri Lanka er sem sagt komið í úrslitaleikinn eftir að hafa unnið Nýja Sjáland nokkuð örugglega í undanúrslitaleiknum sem að var í gær og þeir munu mæta, tja líklega Áströlum sem eru þessa stundina að valta yfir Suður Afríku sýnist mér.  Það er náttúrlega allt á öðrum endanum hérna vegna gengis heimamanna en það sem að mér fannst skemmtilegast við þetta allt það var frétt í einu blaðinu hérna, þetta var nokkurs konar fréttatilkynning frá Tígrunum, og hún var svona.

Þann 24 apríl er Sri Lanka að keppa við Nýja Sjáland í undanúrslitum á heimsmeistaramótinu í Krikket, að þessu tilefni og vegna þess að við verðum allir að horfa á leikinn, þá munum við ekki ráðast á stjórnarhermenn á þessum degi.

Þetta er kannski ekki alveg bein þýðing en þetta var innihaldið, segiði svo að íþróttir stöðvi ekki stríð, mér finnst þetta vera algjör snilld...

Búið í bili. Kv. J

Athugasemdir

[Steinunn E (IP-tala skráð) 25.4.2007 kl. 17:16]

kvitt kvitt

[G.Fylkis (IP-tala skráð) 25.4.2007 kl. 22:39]

Á dauða mínum átti ég von en ekki færslum með svona stuttu millibili. Kveðja af klakanum. G.Fylk