China town og ýmsir athyglisverðir staðir í Washington

Fyrripart laugardagsins fórum við í Georgetown, kíktum í búðir og þess háttar, klukkan 4 kom Sonny svo og sótti okkur á hótelið og fór með okkur niður í Chinatown þar sem að hann bauð okkur í mat á ítölskum veitingastað, Matchbox, hrikalega góðar pizzur. Eftir matinn röltum við svo um Chinatown og Sonny skutlaði okkur aftur á hótelið, fínt kvöld.

        

 Við vöknuðum snemma í morgunn og drifum okkur af stað, röltum niður að Lincoln memorial, memorial wall um hermenn sem að féllu í Víetnam og loks að Hvíta húsinu. Hjá Hvíta húsinu er mikið um sölubása sem að selja ýmsa minjagripi, Eiki keypti sér flottann bol, hann varð aftur á móti frekar sár þegar við fundum sama bol í öðrum bás nema að þar var hann 3 dollurum ódýrari, ég varð þess vegna að kaupa bolinn, bara fyrir Eika..  Þeir sem að þekkja Eika vita að þessi kaup mín sviðu örlítið...

       

 Eftir að hafa skoðað alla þessa helstu staði röltum við um borgina, ég hugsa að við höfum gengið hana nánast þvera og endilanga enduðum í Georgtown. Erum í slökun upp á hóteli og ákveða hvað skal gera síðasta kvöldið okkar í DC.

 Kv..