Stutt fyrir svefninn

18.2.2007 | 18:53

Hæ hæ....

Maður verður að reyna að halda uppi standardi hérna og ekki að láta líða nema um það bil 2 daga á milli færlsa.. Ég mund nefnilega eftir einni sögu síðann ég var í Jaffna og er kannski svolítið lýsandi fyrir það hvað fólk er orðið vant, samdauna, umhverfinu og ástandinu í landinu.

Ég fór í klippingu í Jaffna sem er í sjálfu sér ekki neitt merkilegt það sem var merkilegast við það að fara í klippingu var þjónustan og það sem að gekk á meðann á henn stóð, allavega þá byrjaði þessi bráðskemmtilegi rakari að klippa mig og vandaði sig mikið, hann var nú bara asskoti góður og eki hægt að kvarta neitt undann klippingu né verklagi. Á meðann verið var að rýja mig þá byrjuðu allt í einu að heyrast í fallbyssuskothríð, hversu langt frá geri ég mér ekki grein fyrir, ég fylgdist vel með rakaranum á þessari stundu þar sem að hann var nú með flugbeitt skæri í hendinni. Ég horfði í spegilinn á meðann sprengjurnar dundu og hávaðinn var nú bara alveg þokkalega mikill, þessi ágæti maður haggaðist ekki á meðan á þessu stóð og ég er nokkuð viss um að han hafi ekki einu sinni deplað augunm nokkuð magnað að upplifa og sjá og sýnir manni að líklega er hægt að venjast öllu.

Eftir að hann hafði lokið við að klippa mig segir hann, head massage sir? Ég hafði heyrt Gunna tala um þetta þannig að ég ákvað að prófa dæmið, rakarinn byrjaði þá að nudda hársvörðinn og allann hausinn ég vissi svo ekki fyrr en að hann var kominn með tak á hausnum og hálsinum og hann hnykkti á mér hálsliðina, mér brá nú nokkuð við þetta þar sem að ég hef nú látið, Berg Konráðs kírópraktor, sjá um þessi mál hjá mér, þetta reddaðsit nú samt og ekki hálsbraut hann mig var meira að segja bara nokuð gott.

Það var svo komið að því að borga og hann rukkaði mig um 200 rúpíur sem færi ekki einu sinni nógu langt til þess að borga símtalið til þess að panta tíma hjá Bergi þannig að ég þarf greinilega að spjalla við hann þegar ég kem heim......

Annars er ég náttúrulega að grínast með Berg, hann er frábær og hefur haldið mér gangandi í gegnum erfið tímabili í bakmálum.. Mér datt þessi saga í hug þegar ég var alveg að sofna þannig að ég er hætttu í bili.......

Kv. J

Flokkur: Bloggar | Breytt s.d. kl. 19:02 | Facebook

Athugasemdir

G.Fylkis. Hef verið að reyna að kvitta, hef varla undan, en fæ ekki staðsetningarslóðina og það hefur því ekki birst. Ég fer ekki að skrá mig á moggabloggið, framsóknarmaðurin.

G.Fylkis (IP-tala skráð) 18.2.2007 kl. 19:33

Hm... 200 rúpíur... mig minnir að kallarnir sem voru með mér í Mannar hafi verið að borga 60-100 rúpíur - en kannski fylgdi því ekkert höfuðnudd :-) Kíki alltaf reglulega á síðuna þína og hef gaman af. Verður að viðurkennast að hugurinn leitar oft til Sri Lanka. Bið að heilsa öllum sem ég þekki