Haldið til Sri Lanka

Jæja þá er komið að því, fríið er búið og alvaran tekur við í fyrrmálið hefst ferðalag til Sri Lanka. Flogið til Frankfurt og þaðan til Sri ekki nema 15-16 klst ferðalag með millilendingu og þess háttar, verð kominn til Sri snemma á laugardagsmorgun.

Fríið er búið að vera yndislegt, Jóhanna kom til mín frá DK og var hjá mér í viku og svo hef ég verið að dekra við og njóta samverunar við litla ljónið mitt eftir að Jóhanna fór. Það var mjög gaman að ná í snúllu á leikskólann, yfirleitt alltaf fyrir hvíld að hennar ósk, það kom til mín leikskólakennari og sagði að það hefði verið svo gaman að fyrgjast með henni þennan tíma sem að ég hefði verið á landinu því að hún hefði verið svo ánægð og glöð og beðið með óþreyju á hverjum segi eftir að pabbi kæmi að sækja hana. Það er ekki hægt að segja annað en að mér hlýnaði um hjartaræturnar að heyra þetta..

Í kvöld var síðan veisla hjá múttu og öllum fjölskyldumeðlimum boðið sem að áttu heimagegnt, mjög gaman og skrítið að vera að kveðja alla aftur en það verður samt gaman að koma aftur til Sri hitta alla aftur og takast á við ný verkefni........

Jæja farinn í bili over and out, næsta færsla kemur frá Sri.

Kv. J

Athugasemdir

[G.Fylkis (IP-tala skráð) 16.3.2007 kl. 14:26]

Veit nákvæmlega hvernig þetta er.  Ekki auðvelt Jens en þessi tími er frábær.  Miðju dóttir mín sagði þó áður en ég kom heim síðast að hún bæri kvíða til þess því það væri svo vont þegar ég færi, var samt allt í lagi og gekk vel.  Ánægður að sjá líf hjá þér hér á blogginu, engar svívirðingar í þetta skiptið.  Fyrst Frankfurt er millilendingarstaður, eigum við þá ekki að stefna að árshátíð ICRU þar við tækifæri.

[Katrín Tinna (IP-tala skráð) 18.3.2007 kl. 09:11]

Þetta voru yndislegir dekur dagar pabbi,farðu varlega og við sjáumst bráðum á msn..